Һаумыһығыҙ, хөрмәтле уҡытыусылар, уҡыусылар һәм башҡорт телен өйрәнеүселәр,  ҡыҙыҡһыныусылар!

Һеҙҙе сайтымда күреүгә бик шатмын. Мин бында  хөрмәтле коллегаларым менән эш тәжрибәм менән уртаҡлашырға, ә уҡыусыларға телебеҙҙе өйрәнеүҙә кәңәштәр, материалдар менән ярҙам итергә теләйем. Был сайтҡа индерелгән эштәрем аша кемгәлер ярҙамым тейһә, мин бик шат булыр инем. Рәхим итегеҙ!


           Башҡортостан - гөл илендә,

           Районым - Иглин булыр.

           Шул районда бер ауыл бар

           Йәмле Меңйетәр булыр.


           Исемем минең - Лилиә, 

           Эшләйем мин мәктәптә.

           Бурысым - белем биреү,

           Балаға ярҙам итеү.


           Мең ырыуы ҡыҙымын мин,

           Имән булыр ағасым,

           Һауаларҙы байҡап оса

           Ҡарсыға минең ҡошом.


           Моңһоу саҡта йырлап алам, 

           Шиғырҙар ҙа һөйләйем,

           Сәсән һымаҡ оҫта итеп

           Ҡобайыр ҙа көйләйем,

           Матур итеп бейейем.